വിരൽ തുമ്പിൽ അറിയാം:
മക്കളുടെ പഠന നേട്ടം
പഴയങ്ങാടി; കല്യാശ്ശേരി മണ്ഡലത്തിലെ വിദ്യാർത്ഥികളുടെ വിദ്യാലയ വിവരങ്ങൾ രക്ഷിതാക്കളുടെ വിരൽത്തുമ്പിൽ. മണ്ഡലം സമഗ്ര വിദ്യാഭ്യസ പദ്ധതിയുടെ ഭാഗമായി നടപ്പിലാക്കുന്ന ലെൻസ് @ കല്യാശേരി ഡിസംബർ പത്തിന് സജ്ജമാകും. മണ്ഡലത്തിലെ പൊതുവിദ്യാലയത്തിൽ പഠിക്കുന്ന കുട്ടികളുടെ ഹാജർ,പഠനനേട്ടം, മികവുകൾ എന്നിവ ഓൺലൈനിലൂടെ ലഭ്യമാകുന്നതാണിത്. മണ്ഡലത്തിലെ ഇരുപത്തഞ്ചായിരം കുട്ടികൾ ഇതിനകം രജിസ്റ്റർ ചെയ്തു. ലെൻസ് അറ്റ് കല്യാശേരി എന്ന സൈറ്റ് ഇതിന്റെ മൊബൈൽ ആപ്പ് ഡൌൺലോഡ് ചെയ്യാനുള്ള സംവിധാനവും ഒരുക്കിയിട്ടുണ്ട്. വിദേശത്തുള്ളൂ രക്ഷിതാക്കൾക്ക് ഇതു ഏറെ പ്രയോജനം ചെയ്യും..കുട്ടികളുടെ പഠനപുരോഗതി വിലയിരുത്തി അധ്യാപകരുമായി ഓൺലൈനിൽ സംവദിക്കാം. മാട്ടൂൽ സെൻട്രൽ മുസ്ലിം എൽ പി സ്കൂളിലെ അധ്യാപകൻ ടി പി ഷാജിയാണ്‌ ലെൻസ് @ കല്യാശേരി രൂപകൽപ്പന ചെയ്തത് പദ്ധതി അവലോകന യോഗം മാടായി ബോയ്സ് ഹൈസ്കൂളിൽ നടന്നു. എഇഒ ടി സുകുമാരൻ അധ്യക്ഷനായി.ടി വി രാജേഷ് എംഎൽഎ, ജനപ്രതിനിധികളായ എൻ വി രാമകൃഷ്ണൻ, പി വി രാധ, പി രാഗിണി, പി വി വത്സല, പി നാരായണൻ കുട്ടി, രാജേഷ് കടന്നപ്പള്ളി എന്നിവർ സംസാരിച്ചു. പി കെ വിശ്വനാഥൻ മാസ്റ്റർ സ്വാഗതം പറഞ്ഞു. മണ്ഡലത്തിലെ ഹെഡ്മാസ്റ്റർമാരും പി ടീ എ പ്രസിഡണ്ട് മാരും യോഗത്തിൽ പങ്കെടുത്തു.
Documented well. Thanks
ReplyDelete