14 Jul 2017
വായനവര്‍ഷത്തിന് തുടക്കം
പഴയങ്ങാടി :വായന വസന്തത്തിനായ് സര്‍വ്വശിക്ഷാ അഭിയാന്‍ മാടായി ബിആര്‍സി നടപ്പിലാക്കുന്ന വായനവര്‍ഷം തുടങ്ങി. പാഠഭാഗങ്ങളിലെ അധികവായനക്ക് ഉപകരിക്കുന്ന പുസ്തകങ്ങള്‍ വായിക്കുകയും കുറിപ്പ് തയ്യാറാക്കി അവതരിപ്പിക്കുകയും ചെയ്യുന്നതാണ് പദ്ധതി.ഡിസംബറില്‍ വായിച്ച പുസ്തകങ്ങളെ ആസ്പദമാക്കി വിവിധ പ്രവര്‍ത്തനങ്ങള്‍ ഉണ്ടാകും ജനുവരിയില്‍ എഴുത്തുകാര്‍ക്കൊപ്പം രചന പങ്കിടാനും അഭിമുഖം നടത്താനും കഴിയും.സബ്‌ജില്ലാ ഉദ്ഘാടനം ഇടക്കേപ്പുറം യു.പി.സ്കൂളില്‍ ജില്ലാപഞ്ചായത്ത് പ്രസിഡന്‍റ് പി.പി.ദിവ്യ നിര്‍വഹിച്ചു.കണ്ണപുരം പഞ്ചായത്ത് കെ.വി.രാമകൃഷ്ണന്‍ അധ്യക്ഷനായി.എസ്എസ്എ ജില്ലാ പ്രൊജക്ട്‌ ഓഫീസര്‍ പി.വി.പുരുഷോത്തമന്‍ മുഖ്യാതിഥിയായി.എഇഒ വെള്ളൂര്‍ ഗംഗാധരന്‍ പുസ്തക വിതരണം നടത്തി.എം.വി.ബാലന്‍, വി.കൃഷ്ണന്‍, ടി.പി.രവീന്ദ്രന്‍ ,കെ.വി.ഉഷ , കെ.വി.കണ്ണന്‍ ,വി.റീന എന്നിവര്‍ സംസാരിച്ചു. ബിപിഒ രാജേഷ് കടന്നപ്പള്ളി സ്വാഗതവും എന്‍ നിഷ നന്ദിയും പറഞ്ഞു.
Subscribe to:
Post Comments (Atom)
No comments:
Post a Comment