സംസ്ഥാന സ്കൂള്‍ ശാസ്ത്രോത്സവത്തില്‍ മെറ്റല്‍ എന്‍ഗ്രൈവിങ്ങില്‍ എ ഗ്രേഡും ഒന്നാം സ്ഥാനവും കരസ്ഥമാക്കിയ അനിരുദ്ധ് . പി യ്ക്ക് സ്റ്റാഫ് പി ടി എ യുടെ ആഭിമുഖ്യത്തില്‍ സ്വീകരണം നല്‍കി.
11 Dec 2014
ലോക വികലാംഗ ദിനാചരണം - ചെറുതാഴം എ എല്‍ പി സ്കൂള്‍
ലോക വികലാംഗദിനാചരണത്തിന്റെ ഭാഗമായി ചെറുതാഴം എ.എല്‍.പി. സ്കൂളിലെ
വിദ്യാര്‍ഥികളും അധ്യാപകരും രക്ഷിതാക്കളും ഹോപ്പ് പുനരധിവാസകേന്ദ്രം
സന്ദര്‍ശിച്ചു. ഭിന്നശേഷിയുള്ള കുട്ടികള്‍, വയോജനങ്ങള്‍, മാനസിക-ശാരീരിക
വൈകല്യമുള്ളവര്‍ തുടങ്ങിയ അന്തേവാസികളുമായി സംവദിച്ചു. കുട്ടികള്‍ ശേഖരിച്ച
അരിയും പയറും ഭക്ഷണസാധനങ്ങളും പ്രഥമാധ്യാപിക ആര്‍. ഉഷ ഹോപ്പിലേക്ക് നല്‍കി.
കെ.ഷീബ, സതി സാവിത്രി, എ. ഷമീറ, കേശവന്‍ ചേറ്റൂര്‍ എന്നിവര്‍ സംസാരിച്ചു.
കലാപരിപാടികള്‍ അവതരിപ്പിച്ചു.
നിധിശേഖരണം ഉദ്ഘാടനം-ചെറുതാഴം എ.എൽ.പി.സ്കൂൾ
ചെറുതാഴം എ.എൽ.പി.സ്കൂൾ ശതാബ്ദി നിധിശേഖരണം ഉദ്ഘാടനം, ശതാബ്ദി സംഘാടക സമിതി ചെയര്‍മാന്‍ പി. ദാമോദരൻ, എം വി ഗോവിന്ദനില്‍ നിന്നും സ്വീകരിക്കുന്നു.
21 Nov 2014
രക്ഷാകര്‍ത്തൃ സമ്മേളനം - എടമന യു പി സ്കൂള്‍
നവംബര്‍ 14 ന് എടമന യു പി സ്കൂളില്‍ നടന്ന രക്ഷാകര്‍ത്തൃ സമ്മേളനത്തില്‍ നിന്ന്
ശിശുദിന റാലി - മാട്ടൂല്‍ എം യു പി സ്കൂള്‍
 |
| മാട്ടൂല്‍ എം യു പി സ്കൂളിന്റെ ആഭിമുഖ്യത്തില്‍ നടന്ന ശിശുദിന റാലിയില്‍ നിന്ന് |
രക്ഷാകര്‍ത്തൃ സമ്മേളനം - മാട്ടൂല്‍ എം യു പി സ്കൂള്‍
 |
| സര്‍വ്വ ശിക്ഷാ അഭിയാന്റെ ആഭിമുഖ്യത്തില്‍ മാട്ടൂല്‍ എം യു പി സ്കൂളില്‍ രക്ഷാകര്‍ത്തൃ സമ്മേളനം നടന്നു. നവംബര്‍ 14 ന് സ്കൂള്‍ ഹാളില്‍ നടന്ന സമ്മേളനം മാട്ടൂല്‍ പഞ്ചായത്ത് അഞ്ചാം വാര്‍ഡ് മെമ്പര്‍ സൈനബ. സി ഉല്‍ഘാടനം നിര്‍വഹിച്ചു. സ്കൂള്‍ പിടി എ എക്സിക്യൂട്ടീവ് അംഗം കെ എം മുത്തലിബിന്റെ അദ്ധ്യക്ഷതയില്‍ ഹെഡ് മാസ്റ്റര്‍ എം അബ്ദുള്‍ ഖാദര്‍ സ്വാഗതം പറഞ്ഞു. എസ് ആര്‍ ജി കണ്‍വീനര്‍ പി വി പ്രസാദ് ക്ലാസ്സെടുത്തു. വാര്‍ഡ് മെമ്പര്‍ പി.വി. ഇബ്രാഹിം മാസ്റ്റര്‍ ആശംസകള്‍ അര്‍പ്പിച്ചു. സ്റ്റാഫ് സെക്രട്ടറി പി. ശ്രീധരന്‍ നന്ദി പറഞ്ഞു. 378 ഓളം രക്ഷിതാക്കള്‍ സമ്മേളനത്തില്‍ പങ്കെടുത്തു. |
20 Nov 2014
രക്ഷാകര്‍തൃ സമ്മേളനം - വെങ്ങര മാപ്പിള യു പി സ്കൂള്‍
 |
| നവംബര്‍ 14 ന് വെങ്ങര മാപ്പിള യൂ പി സ്കൂളില്‍ രക്ഷാകര്‍തൃസമ്മേളനം നടന്നു. |
11 Nov 2014
ഉപജില്ലാതല ഹിന്ദി രചനാ ശില്പശാല ( യു പി വിഭാഗം )
യു പി വിഭാഗത്തിനുള്ള ഉപജില്ലാതല ഹിന്ദി രചനാ ശില്പശാല നവംബര്‍ 12ന് രാവിലെ 10 മണി മുതല്‍ ബി ആര്‍ സിയില്‍ വച്ച് നടത്തുന്നതായിരിക്കും. രണ്ട് കുട്ടികളെ വീതം പങ്കെടുപ്പിക്കണം.
19 Oct 2014
ഇലക്കറി മേള - മാട്ടൂല്‍ എം യു പി സ്കൂള്‍
മാട്ടൂല്‍ എം യു പി സ്കൂള്‍ ഇക്കോ ക്ലബ്ബിന്റെ ആഭിമുഖ്യത്തില്‍ ഇലക്കറി മേള സംഘടിപ്പിച്ചു. ഇലക്കറി മത്സരത്തില്‍ ലുബാബ ( VI - B ), ഹബീബ് റഹ്മാന്‍ ( VI-A ), റയ് ഹാന ( V-D ) എന്നീ വിദ്യാര്‍ത്ഥികള്‍ ഒന്നും രണ്ടും മൂന്നും സ്ഥാനങ്ങള്‍ക്കര്‍ഹരായി.
9 Oct 2014
ഗണിത ശാസ്ത്ര പ്രദര്‍ശനം - വെങ്ങര മാപ്പിള യു പി സ്കൂള്‍
വെങ്ങര മാപ്പിള യു പി സ്കൂളിന്റെ ആഭിമുഖ്യത്തില്‍ സ്കൂളില്‍ വച്ച് ഗണിത ശാസ്ത്ര പ്രദര്‍ശനം നടത്തി.
25 Sept 2014
സംവാദം
മംഗള്‍യാന്‍ യാത്രയെക്കുറിച്ച് ISRO ശാസ്ത്രജ്ഞന്‍ ഡോ. പി എം സിദ്ധാര്‍ത്ഥനുമായി സയന്‍സ് ഇക്കോ ക്ലബ്ബിന്റെ ആഭിമുഖ്യത്തില്‍ മാട്ടൂല്‍ എം യു പി സ്കൂള്‍ വിദ്യാര്‍ത്ഥികള്‍ക്കുവേണ്ടി സംവാദം സംഘടിപ്പിച്ചു. ചൊവ്വയുടെ അന്തരീക്ഷം, മംഗള്‍യാന്‍ യാത്ര, മംഗള്‍യാന്‍ പേടകത്തില്‍ ഉള്‍പ്പെടുത്തിയ അഞ്ച് പരീക്ഷണ ഉപകരണങ്ങള്‍ എന്നിവയുമായി ബന്ധപ്പെട്ട വിവരങ്ങള്‍ അദ്ദേഹം വിവരിച്ചു. തുടര്‍ന്ന് എല്‍ സി ഡി പ്രദര്‍ശനവും ഉണ്ടായി.
ഗണിതശാസ്ത്ര ക്വിസ്സ്
മാടായി ഉപജില്ലാതല ഗണിത ശാസ്ത്ര ക്വിസ്സ് സെപ്റ്റംബര്‍ 30 ചൊവ്വാഴ്ച മാടായി ബി ആര്‍ സിയില്‍ വച്ച് നടക്കുന്നതാണ്.
എല്‍. പി, യൂ. പി വിഭാഗം : രാവിലെ 10 മണിമുതല്‍ ( ഒരു കുട്ടി വീതം )
ഹൈസ്കൂള്‍ വിഭാഗം : ഉച്ചയ്ക്ക് 1 മണിമുതല്‍ ( രണ്ട് കുട്ടികള്‍ വീതം )
കൃത്യ സമയത്തുതന്നെ കുട്ടികളെ പങ്കെടുപ്പിക്കാന്‍ ശ്രദ്ധിക്കണം.
- സെക്രട്ടറി -
മാടായി ഉപജില്ലാ ഗണിതശാസ്ത്ര ക്ലബ്ബ്
ഫോണ്‍ : 9446418387
എല്‍. പി, യൂ. പി വിഭാഗം : രാവിലെ 10 മണിമുതല്‍ ( ഒരു കുട്ടി വീതം )
ഹൈസ്കൂള്‍ വിഭാഗം : ഉച്ചയ്ക്ക് 1 മണിമുതല്‍ ( രണ്ട് കുട്ടികള്‍ വീതം )
കൃത്യ സമയത്തുതന്നെ കുട്ടികളെ പങ്കെടുപ്പിക്കാന്‍ ശ്രദ്ധിക്കണം.
- സെക്രട്ടറി -
മാടായി ഉപജില്ലാ ഗണിതശാസ്ത്ര ക്ലബ്ബ്
ഫോണ്‍ : 9446418387
18 Sept 2014
സൗജന്യ യൂണിഫോം വിതരണം
യൂത്ത്‌ വിഷന്‍ ഇന്റര്‍നാഷണല്‍ ചാരിറ്റി ഓര്‍ഗനൈസേഷന്‍ ഫേസ് ബുക്ക്‌
കൂട്ടായ്മ യുടെ വകയായി വെങ്ങര മാപ്പിള യു.പി സ്കൂളിലെ നിര്‍ധനരായ
കുട്ടികള്‍ക്കു സൗജന്യ യൂണിഫോം വിതരണം നടത്തി. പ്രശസ്ത ചലച്ചിത്ര താരം
ചിഞ്ചു മോഹന്‍ വിതരണ ഉല്‍ഘാടനം നിര്‍വഹിച്ചു. ചില്‍ഡ്രന്‍ വെല്‍ഫയര്‍
കമ്മിറ്റി മെമ്പറും പ്രശസ്ത സൈക്കോളജിസ്റ്റുമായ ഡോക്ടര്‍ ഉമര്‍ ഫാറൂക്ക്
മുഖ്യ പ്രഭാഷണം നടത്തി. എസ്.എം കുഞ്ഞി, കെ.സി.മഹമൂദ്‌, വി പി. മുഹമ്മദലി
മാസ്റ്റര്‍, എം.വി.നജീബ്, എം കെ ബീരാന്‍, കെ.ഹാരിസ്, അനീഷ്‌ എന്നിവര്‍
സംസാരിച്ചു.
2 Sept 2014
കമ്പ്യൂട്ടര്‍ ഉല്‍ഘാടനം - മാട്ടൂല്‍ എം. യു. പി സ്കൂള്‍
മാട്ടൂല്‍ എം. യു. പി സ്കൂളിനുവേണ്ടി ടി. വ്വി രാജേഷ് എം എല്‍ എ യുടെ വികസനഫണ്ടില്‍ നിന്നും അനുവദിച്ച എട്ട് കമ്പ്യൂട്ടറുകളുടെ ഉല്‍ഘാടനം ടി വി രാജേഷ് എം എല്‍ എ നിര്‍വഹിച്ചു. പഞ്ചായത്തുതല ബഹിരാകാശ ക്വിസ്സ്, പത്രവായന ക്വിസ്സ് എന്നിവയില്‍ ഒന്നാം സ്ഥാനം നേടിയ ഫാത്തിമ നിദ എം എ വി, ഫാത്തിമ ഫിദ, കൂടാതെ മാടായി ഉപജില്ലാതല സ്വദേശ് 2014 ക്വിസ്സ് മത്സരത്തില്‍ ഒന്നാം സ്ഥാനം നേടിയ ഫാത്തിമ ഫിദ കെ കെ എന്നിവര്‍ക്ക് എം എല്‍ എ സമ്മാനം വിതരണം ചെയ്തു. മാട്ടൂല്‍ ഗ്രാമപഞ്ചായത്ത് പ്രസിഡന്റ് സി എച്ച് ഖൈറുന്നീസ അദ്ധ്യക്ഷത വഹിച്ചു. എച്ച് ഡി എഫ് സി ബാങ്ക് സ്പോണ്‍സര്‍ ചെയ്ത ഇംഗ്ലീഷ് ദിനപത്രം “ഡെക്കാന്‍ ക്രോണിക്കിള്‍” വിതരണ ഉല്‍ഘാടനം മാട്ടൂല്‍ ഗ്രാമ പഞ്ചായത്ത വൈസ് പ്രസിഡന്റ് കെ വി മുഹമ്മദ് ഹാജി, ഹെഡ് മാസ്റ്റര്‍ എം അബ്ദുള്‍ഖാദറിന് നല്‍കി ഉല്‍ഘാടനം ചെയ്തു. സൌജന്യ സ്കൂള്‍ യൂനിഫോം സ്കൂള്‍ മാനേജര്‍ പി സി മൂസ ഹാജി സ്കൂള്‍ ലീഡര്‍ സഹല അബ്ദുള്‍ കലാമിന് നല്‍കിക്കൊണ്ട് ഉല്‍ഘാടനം നിര്‍വഹിച്ചു. ഹെഡ്മാസ്റ്റര്‍ എം അബ്ദുള്‍ഖാദര്‍ സ്വാഗതവും എസ് ആര്‍ ജി കണ്‍വീനര്‍ പി വി പ്രാസാദ് നന്ദിയും പറഞ്ഞു. സൈനബ സി, പി സി മൂസ ഹാജി, പി പി അബൂബക്കര്‍ ഹാജി, സക്കറിയ എസ്സ്. വി, കെ അബൂബക്കര്‍ എന്നിവര്‍ ആശംസകള്‍ നേര്‍ന്ന് സംസാരിച്ചു.
24 Aug 2014
നവീകരിച്ച കമ്പ്യൂട്ടര്‍ ലാബ് ഉല്‍ഘാടനവും കമ്പ്യൂട്ടര്‍ ദാനവും
വെങ്ങര മാപ്പിള യു പി സ്കൂളിന്റെ നവീകരിച്ച കമ്പ്യൂട്ടര്‍ ലാബിന്റെ ഉല്‍ഘാടനവും എം എല്‍ എ യുടെ പ്രാദേശിക വികസന ഫണ്ടില്‍നിന്ന് അനുവദിച്ച കമ്പ്യൂട്ടറിന്റെ ഉല്‍ഘാടനവും ശ്രീ. ടി വി രാജേഷ് എം എല്‍ എ നിര്‍വഹിച്ചു.19-08-2014, ചൊവ്വാഴ്ച നടന്ന ചടങ്ങില്‍, പി ടി എ പ്രസിഡന്റ് എം കെ ബീരാന്റെ അധ്യക്ഷത വഹിച്ചു. ഹെഡ്മാസ്റ്റര്‍ കെ ഹാരിസ് സ്വാഗതം പറഞ്ഞു. എന്‍ കെ അബ്ദുള്ള ഹാജി, പി ഷാഫി, ബി അബ്ദുള്‍ ജലീല്‍, എം വി മുഹമ്മദ് നജീബ്, കെ റംലത്ത്, എസ് എ അബ്ദുള്‍ ഖാദര്‍ എന്നിവര്‍ സംസാരിച്ചു.
സ്വാതന്ത്ര്യ ദിനാഘോഷം - കടന്നപ്പള്ളി ഈസ്റ്റ് എല്‍ പി സ്കൂള്‍
കടന്നപ്പള്ളി ഈസ്ററ് എല്‍ പി സ്കൂളില്‍, സ്വാതന്ത്ര്യ ദിനാഘോഷം പരിയാരം എസ് ഐ എന്‍. പത്മനാഭന്‍ ഉദ്ഘാടനം ചെയ്തു. പ്രഥമാധ്യാപിക പി കെ വിശാലാക്ഷി ടീച്ചര്‍ പതാക ഉയര്‍ത്തി.
17 Aug 2014
പഠനയാത്ര - വെങ്ങര മാപ്പിള യു പി സ്കൂള്‍
വെങ്ങര മാപ്പിള യു പി സ്കൂളിന്റെ ആഭിമുഖ്യത്തില്‍ പഠനപ്രവര്‍ത്തനങ്ങളുടെ ഭാഗമായി അഞ്ചാം തരത്തിലെ വിദ്യാര്‍ത്ഥികള്‍ക്കായി ജൈവ വൈവിദ്ധ്യ കലവറയായ മാടായിപ്പാറയിലേക്ക് പഠനയാത്ര സംഘടിപ്പിച്ചു ( 13-08-2014, ബുധനാഴ്ച ).
സ്വാതന്ത്ര്യ ദിനാഘോഷം - ചെങ്ങല്‍ എല്‍ പി സ്കൂള്‍
ചെങ്ങല്‍ എല്‍ പി സ്കൂള്‍ ( പഴയങ്ങാടി, അടുത്തില ) സ്വാതന്ത്ര്യ ദിനാഘോഷത്തിന്റെ ഭാഗമായി സ്കൂള്‍ മുറ്റത്ത് വിവിധയിനം പൂക്കള്‍കൊണ്ട് ഇന്ത്യയുടെ ഭൂപടം തീര്‍ത്തത് വ്യത്യസ്ത അനുഭവമായി. രക്ഷിതാക്കളുടേയും വിദ്യാര്‍ത്ഥികളുടേയും പൂര്‍ണ സഹകരണത്തോടുകൂടിയായിരുന്നു പരിപാടി സംഘടിപ്പിച്ചത്. തുടര്‍ന്ന് സ്കൂള്‍ അങ്കണത്തില്‍ ചേര്‍ന്ന യോഗത്തില്‍ വാര്‍ഡ് മെമ്പര്‍ കെ. ലളിത അദ്ധ്യക്ഷത വഹിച്ചു. ഹെഡ്മിസ്ട്രസ്സ് കെ വി വിമല, സി ശ്യാമള, കെ കെ സുധീരന്‍ എന്നിവര്‍ സംസാരിച്ചു. പായസദാനത്തോടുകൂടി പരിപാരികള്‍ക്ക് പരിസമാപ്തിയായി.
ബോധവല്‍ക്കരണ ക്ലാസ്സ് -കടന്നപ്പള്ളി ഈസ്ററ് എല്‍ പി സ്കൂള്‍
കടന്നപ്പള്ളി ഈസ്ററ് എല്‍ പി സ്കൂളില്‍, ഫോറസ്ററ് റാപിഡ് റെസ്പോണ്‍സ് ടീമിലെ പവിത്രന്‍ ഏഴിലോട് പാമ്പുകളേക്കുറിച്ച് ക്ളാസെടുക്കുന്നു.
11 Aug 2014
ഹിരോഷിമാദിനം - കടന്നപ്പള്ളി ഈസ്റ്റ് എല്‍ പി സ്കൂള്‍
കടന്നപ്പള്ളി ഈസ്റ്റ് എല്‍ പി സ്കൂളില്‍ ഹിരോഷിമാദിനം ആചരിച്ചു.
യുദ്ധവിരുദ്ധ റാലി - വെങ്ങര മാപ്പിള യു.പി സ്കൂള്‍
ലോകത്തെ നടുക്കിയ ഹിരോഷിമ-നാഗസാക്കി ദുരന്ത സ്മരണയില്‍ വെങ്ങര മാപ്പിള
യു.പി സ്കൂള്‍ യുദ്ധവിരുദ്ധ റാലി സംഘടിപ്പിച്ചു. പൊതുജനങ്ങളും റാലിയില്‍
പങ്കാളികളായി. യുദ്ധ വിരുദ്ധ പ്രതിജ്ഞയും, ഇസ്രേല്‍ ആക്രമണത്തിന്
ഇരയായിക്കൊണ്ടിരിക്കുന്ന ഗാസയിലെ ജനങ്ങള്‍ക്ക് ഐക്യദാര്‍ഡ്യ പ്രഖ്യാപനവും നടത്തി.
2 Aug 2014
കാര്‍ട്ടൂണിസ്റ്റ് ശങ്കര്‍ അനുസ്മരണം - വെങ്ങര മാപ്പിള യു പി സ്കൂള്‍
കാര്‍ട്ടൂണിസ്റ്റ് ശങ്കര്‍ ജന്മദിനത്തോടനുബന്ധിച്ച് വെങ്ങര മാപ്പിള യു പി സ്കൂളിന്റെ ആഭിമുഖ്യത്തില്‍ അനുസ്മരണ പരിപാടി സംഘടിപ്പിച്ചു. കാര്‍ട്ടൂണ്‍ പ്രദര്‍ശനം, “കാര്‍ട്ടൂണ്‍ വരയ്ക്കാം“ പരിശീലനക്ലാസ്സ് എന്നിവ അനുസ്മരണ പരിപാടിയോടനുബന്ധിച്ച് നടത്തി . ഇ.വി.നിഷ , കെ വി സുമേഷ്‌ എന്നിവര്‍ പരിപാടിക്ക്
നേതൃത്വം നല്‍കി
സബ് ജില്ലാ ശാസ്ത്ര സെമിനാര്‍ - വിജയികള്‍.
മാടായി സബ് ജില്ലാ സയന്‍സ് അസോസിയേഷന്റെ ആഭിമുഖ്യത്തില്‍ ബി ആര്‍ സിയില്‍ വച്ച് ജൂലൈ 31ന് നടന്ന ശാസ്ത്ര സെമിനാര്‍ വിജയികള്‍ :
ഒന്നാം സ്ഥാനം : നഫീസത്തുല്‍ ബാസില ( CHMKS HSS, മാട്ടൂല്‍ )
രണ്ടാം സ്ഥാനം : ഫാത്തിമ എം. വി ( PJHS, മാടായി )
ടി എസ് രവീന്ദ്രന്‍, ഡോ. അനില്‍ കുമാര്‍ പി എം, വിനോദ് കുമാര്‍ ടി എന്നിവര്‍ സെമിനാറിര്‍ വിലയിരുത്തി സംസാരിച്ചു. പി വി പ്രസാദ്, ബിജു മോഹന്‍ ടി വി എന്നിവര്‍ പരിപാടിക്ക് നേതൃത്വം നല്‍കി.
Subscribe to:
Posts (Atom)